Dita-ditës TikTok po kthehet në një aplikacion shqetësues në vendin tonë, ku rastet më shokuese si: vrasje, bullizim, kërcënim, shfrytëzim për para dhe degjenerim po ndodhin vetëm aty.
TikTok po përdoret në mënyrë abuzive nga të rinjtë por edhe nga moshat e mëdha, rastet shqetësuese po shtohen çdo ditë e më shumë.
Së fundmi një gjyshe është arrestuar së bashku me të birin, pasi kanë shfrytëzuar nipin 10-vjeçar për përfitime në TikTok.
Ata dilnin live në këtë rrjet social me njerëz të tjerë dhe e mësonin 10-vjeçarin si t’i shante me fjalë të rënda dhe denigruese.
Në rrjetin social TikTok gjyshja 67-vjeçare ka shfrytëzuar nipin, për të marrë sa më shumë klikime, të cilat shndërrohen në para. Në një video live, shihet djali 10-vjeçar me të atin, Natasha dhe disa persona të tjerë. I mituri nuk ka reshtur së ofenduari me fjalë banale një grua tjetër, ku i ati e mësonte se çfarë t’i thoshte, ndërkohë që gjyshja e tij e shikonte dhe qeshte.
Kjo e fundit është një personazh i njohur për publikun, pasi para disa vitesh historia e saj me nusen ka bërë xhiro në rrjetet sociale. Ajo u përball live në një studio televizive me ish-nusen ndërsa ziheshin për kujdestarinë e djalit.
Alpenews.al ju rikujton disa nga ngjarjet më të absurde dhe të rënda të ndodhura ditët e fundit.
Vajza shqiptare nxjerr pjesët intime për “gifte“ në Tik-Tok
Një vajzë shqiptare, për të marrë sa më shumë “gifte” pra dhurata të përkthyera në lekë në Tik-Tok ka hequr reçipetat dhe ka nxjerrë pjesët intime.
Në një sfidë me një djalë, ajo shfaqet e zhveshur në pjesën e sipërme, gjë që duket kaq shqetësuese për rininë shqiptare.
Vetëvrau veten pas publikimit të fotos intime në TikTok
Vdekja e 27-vjeçares Sibela Abedini është një mister, e cila pritet që të zbardhet nga hetimet e thelluara të policisë dhe për të nxjerrë para drejtësisë personat që janë përfshir, ku i dyshuari kryesor është Altin Çoku.
Sibela Abedini ishte 27-vjeç, e martuar në Kosovë dhe kishte një vajzë të vogël 2 vjeçe. Prej rreth 1 muaj e gjysëm, ajo ishte rikthyer tek familja e saj në Kamëz, pas disa problemeve që kishte me bashkëshortin.
Sipas familjarëve, Sibela kishte filluar të punonte si pastruese në shtëpinë e Altin Çokut, i cili kishte kërkuar një grua për mirëmbajtjen e shtëpisë, pasi kishte gruan të sëmurë.
Por pas kësaj, ata dyshohet se kanë pasur një takim në një hotel, ku edhe kanë realizuar një foto intime bashkë, e cila më pas u shpërnda në rrjetin socisl Tik Tok.
I postuan foton në TikTok, 41-vjeçarja vetëvritet
Bedrie Loka i dha fund jetës më 2-janar pas bullizimit në TikTok. 41-vjeçares i ishte hapur një adresë fallco në TikTok, ku ishte vendosur fotoja e saj dhe ku shkruhej: Kjo është k**** e fabrikës së Sukthit ku*** e Sukthit kjo q**** me lekë.”
Por më pas dolën dhe detaje tronditëse ku dhe dhuna e bashkëshortit të saj ishte një nga shkaqet e vetëvrasjes së saj.
Shantazhoi 15-vjeçaren në rrjetet sociale
Një 27-vjeçar shantazhoi para disa ditésh një 15-vjeçare në Tiranë. Bendar Çullhaj përfundoi pas hekurave pas kallëzimit të së miturës vu në pranga pas kallëzimit të bërë nga një e mitur 15-vjeçare, pasi i kishte hapur profile false në rrjete sociale të miturës dhe e shantazhonte për t’i dërguar foto/video intime.
Gjithashtu, 27-vjeçari i kërkonte të kryente marrëdhënie seksuale me të. E mitura kishte deklaruar gjatë një bisede me të riun se do të vriste veten pas shantazheve që Benard Çullhaj i bënte.
Alpenews.al
