Një telefonatë në policinë e Vlorës nga pushuesit afër Orikumit se kanë parë një peshkaqen në det ka alarmuar blutë të cilët kanë monitoruar të gjithë zonën mesditën e sotme
Nga informacionet e para të siguruara nga Report TV bëhet e ditur se pushuesit kanë njoftuar se e kanë parë peshkaqenin afër bazës së Pashalimanit
Policia Kufitare në bashkëpunim me shërbimet e rendit të policisë Orikum po kontrollojnë me mjete lundruese në det. Gjithashtu ka patrulla të shtuara nga toka për monitorimin dhe krijimin e një perimetri të sigurisë për notarët.
Drejtori i zonave të mbrojtura në Vlorë Nexhip Hysolakaj sqaron se zakonisht peshkaqenët që janë shfaqur në ujërat tonë nuk janë të rrezikshëm megjithatë nuk mund të neglizhohen këto raste.
