Sot, në ditën e pestë të grevës së përgjithshme në Katalonjë protestuesit dhe ithtarët e pavarësisë ngritën barrikada në rrugë dhe policia ishte e detyruar të arrestonte mjaftë protestues.
Sot, në ditën e grevës së përgjithshme, grupe protestuesish përmes barrikadave, kanë ndërprerë disa rrugë që nga orët e para të mëngjesit.
E sotmja është greva e katërt e përgjithshme e lidhur me protestat e pavarësisë në Katalonja në më pak se dy vjet.
Gjykata Supreme Spanjolle dënoi udhëheqësit e pavarësisë në total me 100 vjet burg. ‘Sagrada Familia’, monumenti më i vizituar në Barcelonë, ka pezulluar vizitat. “Nuk është e mundur të garantohet hyrja”, – thuhet në një mesazh të publikuar në Twitter.
Ndërkohë, gjatë natës në kryeqytet pati përleshje, mes policisë dhe protestuesve që ngritën barrikada në rrugë dhe u vunë zjarr kazanëve të plehrave.
Sipas El Pais, të paktën 18 protestues u plagosën dhe 19 u arrestuan natën.
