Shtetasit shqiptarë që kanë pasaporta dhe karta identiteti greke, por që kanë mjetet e tyre me targa shqiptare, nuk janë lënë ditën e sotme të kalojnë doganën e Kapshticës.
Pengesë është bërë pala greke, të cilët për motive të paqarta i kanë bllokuar automjetet në kufi. Nuk janë lejuar shtetasit shqiptar që janë të pajisur me karta pune 1-vjeçare që disponojnë mjetet e tyre me targa shqiptare.
Nuk ka asnjë informacion se përse ka ardhur ky vendim. Burime për Report Tv bëjnë me dije se autoritete tona do të kenë një takim me palën greke për të zgjidhur këtë ngërç.