Policia Italiane ka finalizuar një operacion kundër trafikut të drogës, ku në përfundim të tij është sekuestruar një sasi e madhe kanabisi.
Sipas mediave në vend mësohet se droga që vinte nga Shqipëria është sekuestruar mbrëmë në brigjet e Salento në Brindizi.
Njësite e Brindizit të Guardia di Finanzia në bashkëpunim me Departamentin i Operacioneve Detare në Bari kanë kapur një varkë që transportonte sasi të madhe marihuanë që vinte nga zonat e prodhimit në Vlorë.
Marihuana e sekuestruar mendohet se vinte nga Vlora dhe peshonte 2.5 ton.
Sekuestrimi i drogës është bërë gjatë natës së kaluar. Hetimi për këtë drogë do të përfshihet në dhjetra dosjet hetimore të Drejtorisë së Antimafias së Leçes.
