Policia greke ka arrestuar të riun shqiptar, i njohur si DJ me emrin e artit Visy, pasi është kapur me lëndë narkotike.
Dj Visy është arrestuar në ishullin grek Rodos, me 5.3 kilogramë kanabis, ndërsa kishte shkuar për të performuar në një lokal nate. Bashkë me të në pranga ka rënë edhe një 18 vjeçar grek, i akuzuar për posedim dhe trafik droge.
Lënda narkotike ishte vendosur në pesë pako plastike, të cilat DJ shqiptar i kishte futur në valixhen e tij.
Pas marrjen në pyetje, aika deklaruar se nuk ka dijeni se çfarë do të bëhej më tej me drogën dhe nuk është i përfshirë në trafik, por thjesht ishte paguar për ta sjellë drogën në Rodos.
“Mora lekë që të sillja drogën këtu, nuk di asgjë më shumë”, është shprehur ai.
Autoritetet tashmë po shqyrtojnë nëse DJ shqiptar ka transferuar edhe më parë sasi të lëndëve narkotike nga Shqipëria në Greqi, duke përfituar nga statusi i tij.
Burimi: newpost.gr
