Një video e rëndë është publikuar sot nga “Daily Mail”, nga trazirat e Kapitolit të së Mërkurës, që tregon një oficer policie i cili ‘shtypet’ mes valës së protestuesve dhe oficerëve të policisë që mbronin ndërtesën.
Gjatë konfrontimit, të kapur në video, duket oficeri që qëndron në mes të një dere dhe masës së njerëzve.
Protestuesit përpiqen edhe t’i shqyejnë maskën oficerit, ndërsa ai dëgjohet të bërtasë nga agonia.
Oficeri shihet i përgjakur, duke bërtitur për ndihmë, ndërsa një zë dëgjohet mes duke bërtitur, “Lëreni të dalë!”
Ai arriti të lirohej më në fund nga dera, por gjendja e oficerit nuk dihet ende.
