Socialistët pritet të përcaktojnë sot përfundimisht kandidatët për 61 bashkitë e vendit. Për këtë, Kryeministri Rama do të thërrasë në takime të veçanta, duke filluar nga mesdita e sotme, drejtuesit politik të secilit qark.
Në secilin prej këtyre takimeve është bërë me dije se do të jenë prezentë edhe Kryeparlamentari Gramoz Ruçi si dhe sekretari i Përgjithshëm i PS, Taulant Balla. Diskutimet janë parashikuar të mbyllen në mbrëmje e sotme, kur pritet të zbardhen edhe emrat për bashkitë e Qarkut Dibër, si dhe për Bashkinë e Durrësit.
Për këtë të fundit duket sikur ka rënë kandidatura e deputetes Klodiana Spahiu, që ishte përfolur shumë ditët e fundit.
I pari në takim ka hyrë drejtuesi politik i qarkut të Durrësit Vangjush Dako, i cili këtë herë nuk do të rikandidojë për bashkinë e këtij qyteti.
Janë edhe disa Bashki që mbeten në pikëpyetje si Saranda, Gjirokastra, Durrësi, Vora, Kavaja.
Të shtunën pritet që PS do të publikojë listën e plotë të kandidatëve për 61 bashkitë e vendit por edhe kandidatët për këshilla bashkiakë.
