Kafja, lëngu i zi që na zbardh ditën. Një filxhan kafe në ditë mund të parandalojë disa sëmundje. Eshtë ajo që na mbron trurin nga efekte vrastare të kolesterolit. Por a keni menduar se një ditë mund të gjendemi pa të përgjithmonë?
Trefishimi i sëmundjeve, ndryshimet klimatike si dhe rritja e shpyllëzimit ka kërcënuar rreth 60 për qind të varieteteve të bimës së kafesë në botë. Veçse ka rrezikuar furnizimin me kafe në botë, kjo vë në rrezik aftësitë ripërtëritëse të kafesë tuaj të preferuar, e gjendur përballë ndryshimeve të thella planetare. Në hulumtimet e reja të publikuara në shume revista prestigjoze, botanistë dhe kërkues bimësh kanë përcaktuar se 75 nga 124 llojet e kafes se egër, tani janë të kërcënuara me zhdukjen. Për pijëdashësit e kafesë, kjo ka rëndësi: Ekspertët theksojnë se llojet e egra mbajnë çelësin për ruajtjen e një furnizimi të shëndetshëm, të gjallë dhe flavorful të kafesë.
Një nga dy llojet më të njohura të kafesë që të gjithë pimë sot, Robusta, mezi u njoh në fillim të viteve 1900. Ajo deri atë kohe ishte vetëm një bimë e egër që rritej në pyje të largët.
Ashtu si shumica e çdo malli ushqimor, kafja sot rritet në ferma. Por paraardhësit e saj të egër sot ekzistojnë në rajone të veçanta, si Etiopia dhe Sudani. Dhe janë pikërisht këto rajone që sot po goditen shumë. Humbja e këtyre llojeve të egra të bimës së kafesë rrezikon seriozisht burimin e vlefshëm gjenetikë që mund të përdoret për krijimin e variateteve të reja të kafesë, të afta në kushtet e reja të ngrohjes globale
Megjithatë, një lloj ngushëllimi është fakti se rreth 55 përqind e bimëve të kafesë së egër, janë të ruajtura në bankat e gjeneve. Por ky fakt nuk ofron lehtësim të madh, sepse këto banka nuk janë ende të besueshme, të plota dhe të mirëfinancuara.
