Detaje të reja janë zbardhur në lidhje me vrasjen e 14-vjeçares në Maqedoninë e Veriut.
Gazetari Avni Tahiri nga Shkupi, ka folur për “Breaking” duke treguar se deri në çfarë pike janë hetimet për këtë ngjarje. Ai zbuloi dhe detaje nga marrëdhënia mes familjarëve të të miturës dhe të dyshuarit kryesor për krimin e rëndë, Lupço Palevski-Palço. Ai tha se gjyshi nga ana e nënës së 14-vjeçares, ka qenë ortak biznesi me të dyshuarin për vrasjen.
“Pas arrestimit të 6 personave, së bashku me shoferit, pas kërkimit ndërkombëtarisht të Lupço Palevskit – Palço, i dyshuari kryesor për dy vrasjet, të vajzës dhe 74-vjeçar që u gjet me të, u gjet se ku ai ishte. Ai është burgosur në Turqi dhe pritet ekstradimi, brenda 40 ditësh besoj do të ekstradohet.
Babai, Aleksandri, vijon të jetë një ndër të akuzuarit për krimin pasi dyshohet se është bashkëpunëtor i grupit në vrajsen e 14-vjeçares. Ai nuk ka pranuar ende se ka lidhje. Motivi kryesor dyshohet se është shitja e banesës nga e ëma e vajzës.
Realisht ai nuk e ka pranuar krimin, pro nga burimet, thuhet vetëm se janë të dyshuar.
Nga ekspertiza nuk ka detaje të plota se si ka vdekur e mitura, por në opinion flitet, se ka marrë dy plumba, një në kokë dhe një në këmbë. Raportoeht se i ka pasur edhe gjymtyrët e thyera, këmbët, dy duart por edhe nofullën.
Flitet që nëna ka paur marrëdhënie të mira me babain e vajzës edhe pse kanë qenë të ndarë prandaj shtohet më shumë misteri. Gjyshi i të miturës ka qenë një biznesmen i njohur në të kaluar, në fushën e ndërtimit. Ai ka qenë ortak me Palevski-Palçon. Edhe babai i të miturës ka qenë i punësuar në biznesin e vjehrrit të tij ku ka njohur edhe bashkëshorten.
Por thuhet se Aleksandri pasi ka shfrytëzuar pasurinë që i ka dhënë familja e bashkëshortes, ka qenë person problematik, merrej me bixhoz, punë të pista në fushën e trafikimit të drogës, apo konsumonte edhe alkol.”– tha gazetari.
