Në të gjitha fakultetet e vendit, me mijëra studentë prej ditësh i janë rikthyer auditorëve duke rinisur procesin mësimor.
Por, një grup i vogël studentësh, gjithnjë e më i tkurrur në numër, vijojnë të bllokojnë disa auditore me qëllim anormalizmin e situatës në fakultete.
“Po bëjmë diçka që ta bëjmë situatën anormale.Nëse ne i lirojmë abjentet… i lejojmë studentët të rikthehen në auditore, atëherë gjithçka kthehet në normalitet dhe nuk ka lajm”
Është pikërisht kjo sentencë, e njërit prej studentëve, i cili vazhdon të ‘protestojë’ dhe të mbaj bllokuar auditorin e fakultetit ku studion, pa asnjë qëllim, por thjesht dhe vetëm sepse nëse” gjithçka kthehet në normalitet dhe nuk ka lajm”-shprehet studenti.
Kjo video tashmë ka ‘blinduar’ të gjithë rrjetet sociale, duke u pasuar nga reagime të ashpra në rrjetet sociale nga vetë studentët, të cilët e cilësojnë të turpshëm atë që ky ‘student’ thotë.
Njëkohësisht ka nxitur ironizime therrëse nga blogerët në rrjetet sociale, ku krahas videos shkruajnë:
“Une prape vazhdoj te qaj hallin e studenteve qe duan te mesojne dhe jane nga rrethet dhe paguajne qerara kot. Ata qe duan ta bllokojne mesimin se duan tbehen lajm dhe q* q*r* mesimit se une do ngelja gjithsesi ju kam lene allahun.”
