Kryeministri Scott Morrison ka deklaruar se Australia po e konsideron njohjen e Jeruzalemit si kryeqytetin e Izraelit si dhe largimin e Ambasadës së saj nga Tel Avivi.
Morrison tha se Australia mbetet e angazhuar për gjetjen e një zgjidhjeje të mundshme të konfliktit izraelito-palestinez.
Ai shtoi se do të konsultohet me kabinetin e tij dhe kombet e tjera përpara se të marrë ndonjë vendim.
“Jemi të përkushtuar ndaj një zgjidhjeje mes dy shteteve por sinqerisht, nuk po ecën kaq mirë. Nuk është bërë shumë përparim”, tha Morrison.
Komentet e kryeministrit australian, kundërshtarët i kanë cilësuar si “mashtrim” për vota përpara zgjedhjeve përfundimtare.
Statusi i Jerusalemit është një nga çështjet më të diskutueshme midis izraelitëve dhe palestinezëve.
Presidenti i SHBA-së, Donald Trump, vitin e kaluar lëshoi kritika ndaj ndërkombëtarëve kur ai ndryshoi kursin e politikës së jashtme amerikane. Ai e njohu qytetin e lashtë të Jeruzalemit si kryeqytetin e Izraelit dhe e zhvendosi Ambasadën e SHBA-së nga Tel Avivi në maj.
