Jepet masa “arrest me burg” per të arrestuarit e 613 kg kokaine, Armando Pezaku dhe Donaldo Lushaj.
Gjykata e Krimeve të Rënda sapo ka dhënë masën e sigurisë për dy të arrestuarit e dyshuar për trafikimin e 613 kg kokainë në Portin e Durrësit, Donald Lushajn dhe Armando Pezakun.
“Nuk ka asgjë për të fshehur. Donald Lushaj është një punëtor që paguhet me 25 mijë lekë. Ndaluan një grup punëtorësh dhe s’kemi çfarë të fshehim”- është shprehur avokati Maks Haxhiaj.
Policia e Shtetit në bashkëpunim me Prokurorinë e Krimeve të Rënda dhe Drejtorinë e Hetimit Doganor, mbi bazën e informacioneve të siguruara më herët dhe analizës së riskut, pas një pune të mirë organizuar dhe të koordinuar, ka arritur të finalizojë me sukses operacionin e koduar “Last Snow”.
Si rezultat i këtij operacioni u bë i mundur kapja dhe sekuestrimi i një sasie rekord prej 613 kilogramë e 350 gramë lënde narkotike e dyshuar kokainë, me vlerë tregu mbi 180 milion euro./AlpeNews.al
