Presidenti rus, Vladimir Putin, ka lëshuar urdhrin që të ndalohet importimi dhe eksportimi i disa produkteve dhe lëndëve të para nga Rusia për vitin 2022.
Qeveria ruse ende nuk ka përcaktuar listën e atyre produkteve që do të kufizohen ose ndalohen. Sipas medias shtetërore, RIA, e cila ka cituar dekretin, thekson se masat e veçanta ekonomike synojnë të garantojnë sigurinë e Rusisë.
Bëhet e ditur se brenda dy ditësh, qeveria do të duhet të përcaktojë listën e shteteve që do të preken nga këto vendime. RIA transmeton gjithashtu se këto kufizime nuk do të mbulojnë produktet apo lëndët e para që transportohen nga qytetarët për nevojat e tyre personale.
Ky urdhër i Putin vjen pas presidenti i Shteteve të Bashkuara të Amerikës, Joe Biden, njoftoi të martën se administrata e tij ka vendosur të ndalojë importet ruse të energjisë – përfshirë naftën, gazin natyror dhe qymyrin, si kundërpërgjigje ndaj pushtimit rus të Ukrainës.
