Në krye të protetës së studentëve është vendosur Arlind Qorri, i cii njihet për idetë e tij me bindje ekstremiste komuniste. Në një prononcim për mediat, ai shpreh nevojën për riorganizimin e universitetit dhe riuthemelimin e arsimit në vendin tonë.
“Unë do jem në çdo herë që studentët do të thërrasin protestë. Nuk do i dorëzohemi lodhjes. Do jemi në çdo rast.Nuk e besoj se të martën do jemi në auditor. Nëse nuk ka një përgjigje të fortë që qeveria të tregojë se është dorëzuar nuk besoj se do bëhet mësim në Shqipëri, as të martën. Ka një vendosmëri të madhe dhe studentëve nuk ka gjë që t’i del përballë. Do të duhet që qeveria të lëshojë topin dhe t’i thotë universiteteve bëjeni ju reformën dhe jo ne. Rektorët zgjidhen nga një ligj katastrofik i arsimit të lartë. Duhet të riorganizohet universiteti. Do të duhet të rithemelojmë arsimin. Presim që qeveria të thotë unë falimentova në këtë pikë, bëjeni ju”, tha Arlind Qorri në emision.
