Rreth 400 milionë lekë shtesë janë dhënë nga qeveria për të mbështetur me subvencione fermerët që aplikuan këtë vit përmes portalit a-Albania.
Lajmin e bën me dije kryeministri Edi Rama teksa ndan edhe një video të ministrit të Bujqësisë dhe Zhvillimit Rural, Bledi Çuçi i cili saktëson se me këtë fond do të mbulohen gati 95% e rreth 8 mijë aplikantëve që kualifikohen dhe s’kanë mangësi në kriteret e përcaktuara më parë.
“Falenderoj edhe njëherë të gjithë ata fermerë që aplikuan për Skemën Kombëtare këtë viti, një skemë e cila po rezulton e suksesshme. Rreth 95% e aplikantëve do të përfitojnë subvencionin”, tha Çuçi.
“ 400 milionë lekë shtesë nga buxheti i shtetit subvencione për fermerët që kanë aplikuar për fondet e Skemës Kombëtare.
95% e aplikantëve në https://e-albania.al/ do të marrin subvencionin.
-Vaksinim falas të bagëtive për sëmundjen e brucelozës.
– 400 veterinerë të rinj do të punësohen në Shërbimin Veterinar, pjesë e riorganizimit të ri në këtë shërbim të rëndësishëm lidhur me sigurinë ushqimore”, shkruan ndërkaq Rama.