Në një kohë kur e gjithë bota po përballet me pandeminë e koronavirusit dhe qytetet në të gjithë botën janë kthyer në ‘fantazmë’ nuk kanë munguar veprimet sensibilizuese dhe motivuese për të gjithë njerëzit, që tashmë çdo gjë që ndodh përreth tyre e ndjekin nga ekranet e tyre të kyçur në banesa.
Një gjest motivues dhe plot shpresë vjen nga Dubai, ku ndërsa më e lartë e saj, Burj Khalifa, ka vendosur të ‘flasë’ në të gjitha gjuhët e vendeve botës të prekura nga koronavirusi, mes tyre edhe shqip.
Sot nuk ka më gjallëri, zhurmë e jetë në rrugë, por ka shumë jetë brenda shtëpive, ku të gjithë luten që kjo situatë të marrë fund sa më shpejt dhe të shënojë sa më pak viktima. Të gjithë shpresojmë që kjo ëndërr e keqe të marrë fund sa më shpjet dhe në fund, kur të zgjohemi të jemi më të bashkuar dhe më të përgjegjshëm për jetën tonë, shoqërinë dhe botën ku jetojmë. Aktualisht gjithçka na kërkohet është të qëndrojmë në shtëpi dhe të kemi një higjienë të mirë, asgjë të pamundur.
