Çmimet e konsumit në Japoni u rritën me 0,4% në muajin mars, duke shënuar shkallën më të ngadaltë të rritjes për pesë muaj, njoftoi qeveria.
Shifra ishte larg objektivit me 2% të inflacionit, i vendosur në prill 2013 nga Banka e Japonisë, kur kjo e fundit nisi një fushatë lehtësuese monetare për të kapërcyer deflacionin dhe stimuluar ekonominë e tretë më të madhe në botë.
Indeksi bazë i çmimeve të konsumatorit, ku përjashtohet ushqimi i freskët, qëndroi në 101,9 kundrejt një baze 100 për 2015, sipas Ministrisë së Punëve të Brendshme dhe Komunikimit.
Në janar, Banka Qendrore uli perspektivën e inflacionit për vitin aktual fiskal deri në mars 2021, duke pritur që indeksi i çmimeve të konsumit të rritet me 1%, krahasuar me rritjen prej 1,1% të vlerësuar në tetor.
Edhe në vitin fiskal 2021 që përfundon në mars 2022, banka nuk parashikon që norma do të arrijë objektivin prej 2%.
Niveli i rritjes parashikohet të jetë me 1,4%.
