Ministri kosovar i Punës dhe Mirëqenies Sociale, Skender Reçica, në një konferencë të përbashkët me Ministren e Financave dhe Ekonomisë, Anila Denaj, ka bërë me dije se mes 2 vendeve është dakordësuar një marrrëveshje për punësimin dhe arsimin, e cila do të firmoset në mbledhjet e 2 qeverisve, që siç është lajmëruar më herët do të mbahet në shtator.
Reçica tha se kjo marrëveshje do t’i afrojë edhe më shumë 2 vendet si dhe do të krijojë lehtësira të mëdha për qytetarët.
“U dakordësuam për një marrëveshje për punësim dhe arsim profesional. Kjo do të unifikojë tregun e punës në një farë mënyrë. Ekipet profesionale pas dakordësimit të marrëveshjes dhe pas firmosjes në mbledhjen e dy qeverive do të sjellë përfitime për qytetarët këtej dhe andej. Ata s’do të kenë më vështirësi në banim.
Ka barriera në lejen e punës dhe në lejen e qëndrimit. Jetësimi i kësaj marrëveshje afron Kosovën dhe Shqipërinë edhe më afër BE.
Kjo bën që ne të jemi më pranë njëri tjetrit si vende. Edhe marrëveshja për sigurmet sociale, që qytetarët të gëzojnë një pension të denjë”, tha ai.
