“Jam i pafajshëm, e kam pranuar kot, jam hallexhi”, ka deklaruar para togave të zeza Majlind Habibi, i cili akuzohet se vrau shokun e tij Branko Shkoza duke e hedhur në kanal.
Ai është shfaqur i penduar për deklaratat e mëparshme, ku shprehej se në gjaknxehtësi e sipër, e kishte shtyrë në kanal pas një konflikti mes tyre sepse i kishte ngacmuar bashkëshorten. Ai deklaron se e ka pranuar fajin nga frika pasi e kanë dhunuar, ndërsa shton se bashkëshortja e tij ëhstë larguar po ashtu nga frika.
Me datë 27 kam qenë pushim dhe e kam takuar, se nuk vinte te lokali lagjes. Jam familjar, jam i pafajshëm e kam pranuar kot jam hallexhi. Kam djalin 4 vjeç dhe gruan shtatzënë zonja gjyqtare. Më kanë ushtruar dhunë dhe e kam pranuar krimin. Më ka ikur nusja me djalin nga frika”, dëshmoi ai para togave të zeza.
