Nga breshëri kaluam në dëborë të menjëhershme. Jugu i Shqipërisë, ende pjesa me e madhe qëndron nën ujë dhe rrugët janë bërë të pa kalueshme.
Kjo situatë është krijuar prej katër ditësh ku reshjet e dendura të shiut dhe dalja e lumenjve nga shtati ka paralizuar pjesën më të madhe të vendit.
Kurse në veri situata ka ndryshuar 360 gradë. Mëngjesi sotëm ka zbardhur veriun, dhe tarshësia më e madhe është shënuar në Dukagjin ku ka arritur rreth 40 cm.
Por si paraqitet kalueshmëria në akset kryesore të vendit:
Rrugët që lidhin Shkodrën me Dukagjinin janë totalisht të bllokuara, trashësia e dëborës ka arritur 40 cm.
Rrugët që lidhin Kukësin me fshatrat e Arrnit, Çajës dhe Kalisit janë totalisht të bllokuara. Në këto rrugë ka pasur rrëshqitje të madhe dherash dhe banorët e kanë të pamundur që të lëvizin.
Rruga e Kombit është totalisht e kalueshme. Edhe pse kanë nisur rreshjet e para të dëborës në veri.
Në Kukës ka shkrirë dëbora që nisi mëngjesin e sotëm dhe po kështu rrugët janë të kalueshme.
Në aksin Qafë Thorë-Theth ka rreth 60 cm borë dhe nuk mund të kalohet as me mjete me zinxhir dhe as në këmbë.
Po ashtu në aksin Breg Lumi-Mali Shoshit ka rreth 40 cm borë dhe rruga është bllokuar.
Aksi rrugor Tepelenë Gjirokastër është i kalueshëm por me vështirësi. Sakaq në këtë aks ka pasur edhe rrëshqitje dherash.
Fshatrat e Memaliajt janë të bllokuar gjatë ditët së sotme dhe kalimi në to në rrugë tokësore është I pakalueshëm.
Autostrada Tiranë-Durrës është e kalueshme në të dy krahët e tij.
Përgatiti: AlpeNews.al
