Çokollata nuk duhet të mbahet kurrë në frigorifer, as në ditë të nxehta, – thonë ekspertët. Kjo sepse i ftohti i prish shijen çokollatës.
Një ekspert ëmbëlsirash që ka një dyqan online çokollatash e tha këtë në një intervistë për portalin e lajmeve Stuff. Ai shpjegon se të mbash çokollatën në vend të ftohtë e bën atë të ngurtë dhe për pasojë nuk çliron shijet.
“Temperaturat e ftohta për çokollatën janë po aq të këqija sa temperaturat e ngrohta”, thotë ai.
Por si ta ruajmë çokollatën që të mos shkrihet?
Sipas ekspertit duhet të mbahet në vend të errtët dhe të thatë mes temperaturave 10 deri në 20 gradë celsius. Megjithatë nëse është shumë nxehtë, ftohja është mundësia e vetme, por duhet të lihet në një seksion të veçantë që të mos përzihet me aromat e tjera, dhe duhet nxjerrë dhe lënë jasht deri në temperaturën 15 gradë para ngrënies.
