Një gjykatë ushtarake izraelite vuri nën akuzë një grua turke për kalimin e qindra dollarëve në një organizatë “terroriste”, thanë burimet e sigurisë.
Ebru Özkan, 27 vjeç, u arrestua në aeroportin e Ben Gurionit të Izraelit më 11 qershor pasi po largohej nga vendi për t’u kthyer në atdhe.
Shërbimi i sigurimit i Shin Bet i Izraelit tha se Özkan u arrestua “me dyshimin se përbënte kërcënim për sigurinë kombëtare dhe për lidhje me një organizatë terroriste”, duke kaluar qindra dollarë dhe karikues telefonikë.
Emri i grupit që dyshohet se kishte lidhje me Turqinë nuk është dhënë, por mediat izraelite raportuan se paratë ishin të destinuara për grupin islamik Hamas.
Gjykata izraelite ka caktuar të mbajë një seancë dëgjimore për rastin më 10 korrik, sipas njoftimeve të medias turke.
Në përgjigje të akuzës, avokati i Özkan, Omara Khamaisi, i tha Reuters jashtë gjykatës: “Unë mendoj se në këtë rast vendimi përfundimisht do të jetë i guximshëm, shpresoj për lirimin e saj”.
Khamaisi tha se Özkan kishte kaluar tri ditë në Jerusalem gjatë qëndrimit të saj.
Nuk pati asnjë koment të menjëhershëm nga Hamasi, i cili kontrollon Rripin e Gazës nën bllokadën de facto izraelite. Hamasi është klasifikuar si një grup terrorist nga Izraeli dhe Perëndimi, por jo nga Turqia e anëtarësuar në NATO.
I pyetur për rastin e Özkan në 6 korrik, ministri i Jashtëm turk Mevlüt Çavuşoglu i referohej asaj si “motra jonë” dhe e akuzoi Izraelin për “marrjen e masave parandaluese kundër qytetarëve tanë që udhëtonin në Jerusalem”.
“Megjithatë, ne do të hakmerremi kundër kësaj. Marrëdhëniet tona do të normalizohen kur Izraeli të ndalë politikat e veta çnjerëzore, “tha ai.
Mediat izraelite javët e fundit kanë raportuar se autoritetet janë gjithnjë e më të shqetësuar Turqia po përpiqet të rrisë ndikimin e saj në qytetin e shenjtë të Jeruzalemit nëpërmjet organizatave bamirëse që punojnë atje.
