Pas kontrollit të ushtruar ditën e sotme në banesën e gjyqtarit Skënder Damini, një prej tre gjyqtarëve që zbutën dënimin e Dritan Dajtit, policia ka sekuestruar 17 mijë euro dhe 8 fishekë.
Gazeta TemA ka siguruar videon kur policia gjen paratë dhe fishekët të fshehura në të brendshme.
Ndërkaq pas shoqërimit në Policia gjyqtari Skënder Damini ka dëshmuar se paratë i përkasin të birit i cili është biznesmen, sa kaq fishekët është shprehur se janë të armës së tij, të cilën e ka me leje.
“Fishekët janë të një arme “Makarov”, që e kam pasur me leje. Armën e kam dorëzuar disa vite më parë sipas ligjit të kohës, ndërsa fishekët janë harruar.
Paratë nuk e dija që ishin aty. I përkasin djalit që merret me biznes. Vendimin e dhënë nga unë në Apelin e Krimeve e kam dhënë bazuar në ligj dhe në bindjen time personale. Vendimi është i rekursueshëm në Gjykatën e Lartë”, ka deklaruar gjyqtari Skënder Damini.
"Mijëra euro e fishekë të fshehura në të brendshme", zbulohen pamjet e kontrollit të banesës së gjyqtarit të Dritan Dajtit
Gepostet von Gazeta TemA am Freitag, 15. Februar 2019
