Seanca plenare ka nisur me diskutimin për projektligjin “Për sektorin e gazit natyror”. Në mungesë të opozitës në seancë, diskutues ishin vetëm dy deputetë të Partisë Socialiste, Ismet Beqiraj dhe Besnik Bare.
Deputeti i Mallakastrës Ismet Beqiraj, gjatë fjalës së tij u ndal edhe te mungesa e opozitës në seancë, gjest të cilin e dënoi. Teksa do bënte thirrje për votimin e projektligjit, deputeti bëri një lapsus, duke kërkuar mos votimin e projektligjet. Lapsus që megjithatë e korrigjoi menjëherë.
“Iu ftojmë ta vonojmë…. ta votojmë pa asnjë vonesë projektligjin”, tha.
