Një i ri hajdut në qytetin e Shkodrës ka rënë më në fund në prangat e policisë. Sipas autoriteteve, ai ishte kthyer në makthin e qytetarëve duke vjedhur në banesa, para, bizhuteri apo sende të kushtueshme.
Uniformat blu mundën ta neutralizonin të riun Drilon Hila teksa ky i fundit po ulej në një kafene në qendër të qytetit të Shkodrës.
Prej kohësh ai ishte shpallur në kërkim për disa vjedhje. Hila ka qenë disa herë i dënuar për vjedhje banesash. Para pak ditësh u arrestua edhe një bashkëpunëtor i tij ndërkohë që pritet të arrestohet edhe një person i tretë, që dyshohet se është pjesë e grupit të tmerrshëm të hajdutëve shkodranë.
Sipas policisë ky grup raportohet të ketë bërë 40 vjedhje në kohë të ndryshme.