Shqipëria ka regjistruar sot një tjetër shifër rekord të të infektuarve me koronavirus, ku në 24 orë kanë rezultuar pozitivë 82 persona.
Një prej këtyre rasteve të infektuar është në Korçë, ka qenë i shtruar për dy ditë në QSUT dhe më pas është kthyer në vendin e tij.
Ai është një person në moshë të thyer, që aktualisht po trajtohet në kushte shtëpie dhe ndodhet në gjendje të stabilizuar. Ndërkohë, janë izoluar menjëherë familjarët dhe epidemiologët po gjurmojnë kontaktet e të prekurit.
