Mediet greke kanë publikuar fotot dhe identitet e 7 pjesëtareve të grupit kriminal në Greqi që kanë grabitur 1.4 milionë euro nga llogaritë bankare të grekëve nëpërmjet mashtrimeve elektronike.
Pjesëtar i grupit kriminal është edhe një shtetas shqiptar, Iilia Matellari 25 vjeç.
Protothem.gr shkruan se grupi kriminal ka kryer 231 mashtrime elektronike në të gjithë vendin që nga nëntori i 2020-ës, duke grumbulluar 1.400.000 euro.
Të dhënat e tyre u bënë publike me urdhër të Prokurorisë së Nafplios
Mashtruesit u arrestuan më 13 prill nga policia e Sigurimit të Igumenicës , në kuadër të një operacioni të zhvilluar me forcat vendase të Ushtrisë Çlirimtare të Greqisë në Patra, Tripoli dhe Argolidë
Të arrestuarit janë janë 25-vjeçari Panagiotis Moschos nga Nafplio, 20-vjeçari Vassilios Moschos nga Argos, 38-vjeçari Christos Karagounis nga Nafplio, 40-vjeçari Georgios Magga nga Peleta Arcadia, 25-vjeçari Ilia Metellari.nga Shqipëria, 26-vjeçari Thepanistrolis M dhe 51-vjeçari Michael Karagiannis nga Sparta.
Gjithashtu janë proceduar penalisht 15 persona që dyshohet të kenë lidhje me mashtrimet elektronike.
Organizata kriminale u çmontua pas një hetimi shumë mujor nga Sigurimi i Igumenicës .
Janë verifikuar të dhënat e 117 poseduesve të llogarive bankare të cilëve u janë vjedhur paratë nga grupi kriminal .
Mashtrimet kryheshin kryesisht përmes njoftimeve për shitjen e automjeteve, mallrave e shërbimeve të tjera.
Autorët kanë kontaktonin me telefon me viktimat dhe i merrnin kodet personale të llogarive të tyre bankare, nga të cilat transferonin para në llogaritë e bashkëpunëtorëve të tyre dhe kryenin tërheqje përmes bankomatit.
Me paratë që fitonin anëtarët e organizatës, bënin jetë luksoze.
Nga banesat e të arrestuarve janë konfiskuar pesë makina, një kamion, një motoçikletë, tre televizorë, gjashtë laptopë dhe tableta, një armë gjahu, një pistoletë, katër karta bankare, 25 celularë, 14 pako me parapagesë, tre karta SIM dhe 3180 euro.
Më poshtë foto e shqiptarit dhe 6 grekëve romë
