Presidenti Ilir Meta ka dekretuar sot kryeministrin Edi Rama, duke pranuar e njohur ne të njëjtën kohë edhe zgjedhjet e 25 prillit.
Ironia në rrjet nuk ka munguar teksa gazetari Alfred Peza ngre pyetjen nëse pas këtij veprimi do të vije edhe dorëheqja e shumëpërfolur e Presidentit.
Kjo sepse gjatë fushatës, Meta shprehej se nëse zgjedhjet do vidheshin atëherë ai nuk do dekretonte Ramës si kryeministër, por në vend të kësaj do jepte dorëheqjen.
Postimi i plotë:
“Ilir Meta sot do të japë dorëheqjen si President i Republikës?!
Pasi dekretoi Edi Ramën Kryeministër, si fitues të zgjedhjeve të 25 prillit 2021, tani po presim që Kryetari i Shtetit të mbajë fjalën:
“Deri tani zgjedhjet janë cënuar rëndë vetëm nga Edi Rama. Unë apeloj nga ky moment që të gjithë të reflektojnë, në mënyrë që të lejojmë shqiptarët të shprehin vullnetin e tyre të lirë. Nëse ai merr 71 mandate, unë firmë për kryeministër nuk i jap, por do i jap dorëheqjen time. Unë e respektoj vendimin e popullit. Unë dal në bulevard dhe ia lë zyrën atij,”- ka deklaruar Ilir Meta.
A do ta mbajë fjalën? Apo lëre, çe do?!“
