Iraku ka ekzekutuar të paktën 12 persona të dënuar për vepra terroriste.
Të enjten, kryeministri irakian Haider al-Abadi urdhëroi “zbatimin e menjëhershëm” të dënimit me vdekje kundër terroristëve.
Një ditë më parë trupat e tetë robërve të mbajtur nga grupi i IS u gjetën në një rrugë në veri të kryeqytetit Bagdad.
Grupet e të drejtave të njeriut kanë ngritur shqetësime serioze lidhur me gjykimet e të dyshuarve të IS dhe ekzekutimeve masive.
Të paktën disa qindra njerëz, përfshirë të huaj, besohet të jenë në rreshtin e vdekjes për terrorizmin në Irak.
“Bazuar në urdhrin e kryeministrit Haider al-Abadi, dënimet me vdekje u kryen të enjten kundër 12 terroristëve të dënuar,”-shkruhet në një postim në faqen e Kryeministrit në Facebook.
Një deklaratë e Ministrisë së Drejtësisë tha se 13 persona ishin ekzekutuar.
Qeveria e Irakut nuk ka publikuar identitetin e të dënuarve me vdekje.
Mijëra njerëz janë arrestuar në vitet e fundit, me dyshimin se i përkasin IS, dhe një numër njerëzish, shifra nuk bëhet e ditur, po përballen me ekzekutimin.
