Në një postim në facebookun e tij zyrtar, Sali Berisha shkruan:
Intervistë e plote dhene për Tv Klan me gazetaren Jolldiz Mitro!
– Klika ne pushtet votoi kunder SHBA dhe interesit kombetar, nderkohe qe Kroacia, Bosnja Hercegovina abstenuan
– Kosova ishte per shqiptaret toka e ndaluar, toka e pushtuar. SHBA udhehoqen dhe percaktuan lirine dhe pavaresine e saj. SHBA nuk lejuan coptimin e Shqiperise londineze.
– Edvin Kristaq Rama preu ne bese SHBA por edhe kombin e tij. Ai riktheu politiken e jashtme ne traditen hoxhiste antikombetare
– Ne vitin 2012 Shqiperia nuk votoi pro per rezoluten e Palestines por abstenoi dhe u falenderua nga SHBA per qendrimin e saj
Per keto probleme dhe gjendjen ne vend flitet ne kete interviste! sb
PYETJE: Zoti Berisha, voten shqiptare ne OKB kunder rezolutes se SHBA per te njohur Jeruzalemin si kryeqytet te Izraelit, ju e keni quajtur akt te rende antikombetar. Perse ky qendrim?
BERISHA: Sepse unë kam bindjen më të thellë se ky ishte një akt madhor fondamental antikombëtar i klikës në pushtet. Shqipëria mund të ishte vendi i fundit në botë që të votonte për dënimin e SHBA. Shqipëria nuk bëri dot atë që bëri Kroacia, Bosja Hercegovina paçka se shqiptarët në historinë e tyre të lirisë kanë patur në çdo moment SHBA-të me një rol përcaktues për lirinë e tyre. Për çdo shqiptar që ndjehet si i tillë, Jeruzalemi i shqiptarëve është Kosova dhe në këtë kontekst ishte fuqia udhëheqësë politike dhe fuqia ajrore e SHBA që çliruan Kosovën, një vend me 95% musliman shqiptar. Pa këtë determinizëm Kosova do ishte sot nën pushtimin serb ose do ishte ndarë, coptuar dhe spastruar, ose do ishte një pjesë apo provincë e Serbisë. Por s’është vetëm kaq. Ata të cilët e kanë të shtrentë interesin kombëtar dhe kombin nuk mund të harrojnë kurrë vitet 20 të shekullit të shkuar. Rreth para 100 vitesh, fuqitë e mëdha europiane vendosën të shpërbëjne dhe coptojnë dhe Shqipërinë londineze, dhe ishte SHBA dhe presidenti i tyre Wilson që hodhi poshtë planin e coptimit të mëtejshëm të Shqipërisë. Përndryshe sot, shqiptarët do flisnin në Tiranë shqipen që flasin shqiptarët në Plavë, në Pazarin e Ri ne Nish apo që flasin shqiptarët në Sul,Arte,Rekë, apo në Kuç të Malit të Zi. Me një fjalë, ndërhyrjet e SHBA për ekzistencën e kombit shqiptar kanë qënë vendimtare. Nga ana tjetër se e shoh që është një qëndrim mirëfilltas kundër SHBA, sepse presidenti Trump spo bën asgjë tjetër veçse po zbaton një ligj të Kongresit amerikan të marrë pothuajse në unison të plotë në vitin 1995, i cili urdhëron ekzekutivin amerikan të transferojë në Jeruzalem ambasadën dhe të njohë për kryeqytet Jeruzalemin. Presidenti Trump e premtoi gjatë fushatës dhe e bëri realitet në këtë kohë. Vota e djeshme, një votë turpi në historinë tonë, një rikthim atavist i Edi Ramës dhe Sul Bushatit, sepse në fakt dje në OKB kanë votuar kriminelët Kristaq Rama dhe Sul Bushati, kanë votuar pra bllokmenët. Ky ishte pra një kthim në politikën e vjetër anti amerikane të klikës komuniste, të klikës hoxhiste. Nuk mund ta bënte kurrë. Në fund të fundit realiteti është ky: nga vitet 1967 deri në ditët e sotme, këto vende që votuan kundër s’kanë mundur të ndryshojnë qoftë dhe një milimetër, të zbatojnë rezolutën e OKB të vitin 1967 dhe realiteti është se Jeruzalemi de fakto është kryeqyteti i Izraelit dhe jam i bindur se do jetë i tillë për sa kohë të ekzistojë shteti i Izraelit. Ndaj dhe kjo që bëri Edi Rama ishte një akt ekstrem pabesie ndaj një vendi që ne i detyrohemi. E them dhe një herë se po të qe për ata që votuan dje, që sot janë miq, por sduhet të harrojmë se dikur po të qe për ta ne nuk ekzistonim. Na ndanë ata dhe në 20-tën, na coptuan, vendosën që të mos ketë shqiptar si komb në Europë.
PYETJE: Ne nentor 2012 Shqiperia abstenoi ne OKB, gjate votimit qe Palestina te merrte statusin e vezhguesit ne OKB. (138 pro, 41 abstenim, 9 kunder). Me cilet shtete i demtoi marredheniet e Shqiperise kjo vote?
BERISHA: Absolutisht Shqipëria ka abstenuar por duhet të them një gjë. Ka një material të botuar ndërkombëtarisht, dhe kjo është fjala Sali Berishës në OKB, në të cilën unë jam shprehur se Shqipëria ka njohur pavarësinë e Palestinës por i bën thirrje miqve palestinezë të heqin dorë nga kjo kërkesë dhe të ulen në tryezë për të shqyrtuar ato çka Kuarteti ka kërkuar ato ditë. Shqipëria abstenoi dhe të jem i hapur as që mund të mendoja të votoja pro sepse çfarë ishte ajo? Ajo nuk ishte gjë tjetër veçse një rezolutë që kërkonte të shmangte SHBA nga zgjidhja e problemit dhe ai problem pa SHBA-të nuk zgjidhet kurrë. përkundrazi, pa SHBA ai problem mund të çojë drejt një lufte të egër botërore. Me datën 28 nëntor të vitin 2012, kryeministri i Turqisë Erdogan, në një insistim të jashtëzakonshëm kërkonte që unë të ndryshoja qëndrim dhe të votoja pro rezolutës palestineze, gjë të cilën unë ja bëra të qartë, se Shqipëria në çështjen e sigurisë ndjek dhe do votojë SHBA-të, kjo është po kaq e vërtetë dhe për Lindjen e Mesme, dhe se ndërkohë Shqipëria nuk mund të bëhet shtojcë e politikës së askujt në Lindjen e Mesme përveçse të mbështesë politikën e SHBA-ve. Nuk votova pro, abstenova, një akt për të cilin unë u falenderova nga SHBA. Edhe dje, duhet ta dinë shqiptarët, delegacioni SHBA në OKB ka falenderuar të gjitha vendet që abstenuan, nominalisht, sikundër ka deklaruar se do e mbajë mënd mirë pabesinë që iu bë nga miqtë. Ishte bërë një lobim, vendet mike, përfshirë dhe Shqipërinë iu ishte kërkuar të votonin kundër rezolutës por natyrisht Edi Rama ka zërat e etërve dhe urdhër i merr nga qëndra të tjera të cilat s’kanë asgjë të përbashkët me interesin shqiptar.
PYETJE: Le te kthehemi ne aktualitetin politik. Seanca e te henes gjate votimit te kryeprokurores se perkohshme ishte nder me te tensionuarat qe ka njohur parlamenti shqiptar. Dhe po ashtu ju u ndaluat nga Garda qe te flisnit ne podium. Ne prononcimin tuaj per mediat ju u shprehet se parlamenti ka vdekur dhe sugjeruat djegien e mandateve, por cka eshte pare keto dite, ky propozim nuk ka gjetur mbeshtetjen e grupit parlamentar te PD dhe kryetarit Basha. Nese parlamenti ka vdekur, atehere a nuk mendoni se prania juaj aty vetem sa e legjitimon ate? Ju do ta digjni mandatin tuaj personal, apo do t’i bindeni vullnetit te grupit?
BERISHA: Së pari në parlament, për të gjithë ata të cilët njohin alfën e lirisë, të gjithë ata që njohin alfën e Kushtetutave të vendeve të lira, në parlament faktikisht u ekzekutua liria e fjalës dhe kjo, absolutisht jo pse ju bë një ish presidenti apo ish kryeministri, por sepse kjo ndodhi në mënyrën më të paimagjinueshme. Unë kërkova fjalën për procedurë. Kryetari i parlamentit shënoi kërkesën time dhe më dha fjalën. Pasi mbaroi parafolësi u ngrita të marr fjalën në përputhje të plotë me procedurën, Edi Rama, në kundërshtim flagrant me Kushtetutën, kjo është disa herë më e rëndë se zgjedhja e prokurorit, sepse aty vërtet është shkelur një nen për zgjedhjen e prokurorit por këtu është shkelur themeli i Kushtetutës. Edi Rama, i tmerruar, si një skizofren qe mjekohet me kokainë jo me haloperdol, mirëpo mjekimi me kokainë nuk ia zhduk atij zërat e brendshëm dhe atij kushedi çfarë i thanë zërat, që Sali Berisha kushedi po del të të qëllojë ty, gjë të cilën kurrë nuk e kisha ndërmënd. Unë kisha ndërmënd të flisja tre minuta që më takonin konform rregullores. Dhe ai, jashtë çdo kopetence, urdhëron, ia bën me shenjë komandantit të rojeve të dalin e të më bllokojnë rrugën për në platformë. Nuk ndodh kjo në asnjë vend të botës. Nuk mund të ndodhë as në diktatura, nuk ndodh kjo as në demokraci. Kjo ndodh vetëm në një vend që qeveriset nga një skizofren i cili nuk mjekohet dhe pastaj kryen akte të tilla. Pra, për mua që në këtë moment parlamenti nuk është më parlament, parlamenti ka marrë fund. Ata që mund të mendojnë se unë jam fyer në sedër, në mënyrë absolute jo. Garda ka dalë herë të tjera dhe do dalë sa herë të mos zbatohet rregullorja, dhe kjo është normale. Mund t’u them qytetarëve që ka patur raste që ata dilnin kur flisja unë dhe ju thoja “ikni, se nuk bie rrufeja aty ku s’duhet”. Pra, Garda del, por të dalë në këtë mënyrë, të mos lejojë deputetin të dalë në platformë për të folur sepse të sëmurit psiqik i thonë zërat se ky tani do të qëllojë, kjo është gjë totalisht e papranueshme. Në këtë kontekst ai ekzekutoi parlamentin.
Cështja tjetër, zgjedhja e tij kryeprokuror. Ai u zgjodh kryeprokuror pasi opozita ofroi … Opozita, as nuk kishte dëshirë të zgjatej mandati Llallës, as nuk kishte dëshirë të akuzohej se po lë vendin bosh të prokurorit. Opozita kishte dëshirë të zgjidhte një prokuror me vetting ashtu siç e përcakton Kushtetuta me 3/5 e votave. Por, Edi Rama për t’u zgjedhur vetë prokuror përdori 69 mandate dhe këtë e bëri duke shkelmuar për së dyti Kushtetutën me një qëllim të vetëm, të mbyllë dosjen e tij. Faktikisht, sa për Saimir Tahirin, Te cilit Rama i çoi edhe kërcënime me jetë ditën e parë fare ndaj dhe betohej Saimiri për kokën e djalit, pikërisht se i kishte kërcënuar djalin dhe Tahirin vetë. Po kur Tahiri nxorri dosje të tjera, faktikisht nuk është më dosja e Tahirit krysorja, është dosja e Ramës është krysorja që e shtyn atë të bëhet kryeprokuror i vendit.
PYETJE: Ju do ta digjni mandatin tuaj personal, apo do t’i bindeni vullnetit te grupit?
BERISHA: Nuk kam marrë vendim akoma. Por unë po ndjek debatin normal që po zhvillohet mes forcave politike, të cilat po diskutojnë për qëndrimet që do mbajnë ndaj parlamentit. Unë e kam dhënë mendimin tim, nuk janë aspak të detyruara ta marrin për bazë. Por unë nuk kam thënë aspak se jam tërhequr nga mendimi. Unë jam duke e shqyrtuar këtë problem, por për mua parlamenti ka vdekur, e ekzekutoi, e asgjesoi Edi Rama. Kjo është e vërteta. U thellua më tej me përjashtimin e shtatë deputetëve. Pasi përgjakën një deputete nga banditët me uniformë, pasi qëlluan me grusht deputeten tjetër banditë me imunitet dhe përjashtuan dje shtatë deputetë duke treguar dje se parlamenti nuk është gjë tjetër veçse një klub trafikantësh, i cili nuk ekziston më si institucion i pluralizmit.
PYETJE: Partia Demokratike e ka quajtur zgjedhjen e kryeprokurores se perkohshme “antikushtetueses”, por kryetari Basha deklaroi se nuk do t’i drejtohet gjykates Kushtetuese. A e mbeshtesni ju kete vendim?
BERISHA: Së pari, ti drejtohesh Gjykatës Kushtetuese në këto rrethana do të thotë të tallesh me veten tënde. Gjykata Kushtetuese është një institucion, i cili nuk funksionon si institucion kushtetues emergjence. Pra nëse i drejtohesh asaj, ajo ka të drejtën të marrë kohën e vetë, që mund të jetë 1 vit, një vit e gjysëm dhe kjo nuk sjell asgjë në skenë. Së dyti, nuk di a e dëgjuat deputetin Brahimllari se si me zë e me figurë Vasilika Hysi i kërcënon të atin se e ke gjyqtar. Horra si këta toka nuk ka patur. Dhe çdo gjykatës i Gjykatës Kushtetuese është në një presion të jashtëzakonshëm, vetting e stër vetting, de fakto kur vdes Kushtetuta, ka vdekur para saj Gjykata Kushtetuese. Në parlament vdiq Kushtetuta dhe Gjykata Kushtetuese është vetvetiu e asgjesuar.
PYETJE: Zoti Berisha edhe grupi i ish -bashkepunetoreve tuaj, i te perjashtuarve nga listat e deputeteve, por jo vetem nga lista, kane dhe ata mbeshtesit e tyre. Dhe sigurisht PD nuk e ka luksin te largoje njerez nga radhet e saj. U be prej disa muajsh qe ne tryezen e zotit Basha jane dy platforma me ndryshime statutore. Ndonese ju ne intervistat tuaja te fundit keni thene se po behen hapa, deri tani ato jane te padukshem. Pse eshte kaq e veshtire per t’i thirrur mbeshtetesit e ketyre platformave ne nje takim nga ana e Kryetarit te Partise Demokratike? Vertet mendoni se ka vullnet per bashkim?
BERISHA: Unë besoj se ka një vullnet për bashkim. Ritmet dhe tempet mund të ishin më të shpejta. Por unë besoj se ka një vullnet për bashkim dhe hapa të sigurtë në këtë drejtim janë bërë. Kjo është gjithçka ajo që mund të them.
PYETJE: Pas séances se fundit te Kuvendit, grupi parlamentar i PD zhvilloi nje mbledhje te perbashket me ate te LSI. Duket sikur kunder qeverise Rama po behet bashke e njejta aleance qe i dha Partise Demokratike mandatin e dyte qeverises ne vitin 2009, por qe po nga kostot e kesaj aleance, Partia Demokratike i humbi zgjedhjet e vitit 2013. Si mendoni se mund te pritet nga militantet e PD dhe nga qytetaret e aleanca e re qe po ngjizet, mes PD dhe LSI?
BERISHA: Unë mendoj se Edi Rama përbën, pas Enver Hoxhës dhe diktatorit Ramiz Alia, rrezikun më të madh kombëtar në historinë e këtij kombi. Dhe unë i siguroj shqiptarët se atë që panë dje me votën e pabesë ndaj SHBA-ve është vetëm fillimi, se shumë shpejt do të shohin akte të tjera madhore antikombëtare nga një njëri apatrid, për të cilin kombi është hiçgjë para pushtetit dhe lëkurës së tij personale. Ky është vetëm fillimi i asaj që do shohin. Nuk është rasti parë sepse kundër SHBA kanë votuar edhe vjet, qartësisht në një rezolutë pro Rusisë që kishte të bënte me NATO-n, dhe që SHBA-të e kishin iniciuar pikërisht për shkak të NATO-s dhe Edi Rama votoi kundër, mashtroi në parlament se ishte një keqkuptim dhe se do korrigjohej por në fakt votoi ashtu siç e urdhëruan. Kështuqë kjo që ndodhi është vetëm fillimi, shumë shpejt shqiptarët do shohin shumë gjëra të tjera anti shqiptare të shëmtuara në shkallë ekstreme. Ndaj rrëzimi i tij justifikon çdo aleancë jo vetëm me LSI por dhe me çdo forcë tjetër politike, me çdo qytetar të këtij vendi, me mediat, dhe është një emergjencë madhore kombëtare. Me këtë rast u bëj thirrje shqiptarëve kudo që janë, të dënojnë pabesinë dhe votimin, në kundërshtim me interesin kombëtar, të Edi Ramës, i drejtohem forcave politike shqiptare në të katër anët e trojeve të distancohen nga ky akt i shëmtuar i Edi Ramës, ta bëjnë këtë në interesin më të mirë të kombit shqiptar.
PYETJE: A mendoni se nuk duhet të ishin lënë për në muajin janar protestat e opozitës?
BERISHA: Ti po pyet një njëri cili çdo ditë mendon se protesta duhet të jetë nesër. Unë jam, por ata që organizojnë kanë detyrat e tyre. Unë çdo ditë bëj thirrje për protestë.
PYETJE: Prisni vërtet një revolucion demokratik në muajin janar?
BERISHA: Unë jam i bindur që do ndodhë. Unë u përkas atyre njerëzve që besojnë se pavarësisht nga up-s and down, shpresa është e përjetshme. Dhe kam shumë besim pavarësisht nga situatat dëshpëruese, se do të dilet përsëri dhe Edi Rama do marrë atë që meriton. Një revoltë e fuqishme popullore e pret përpara për të fshirë këtë regjim droge, krimi, antishqiptar dhe antikombëtar, pas regimit të Hoxhës, më i ziu i këtyre trojeve.
