Duke folur në studion emisionit ‘FaKT’ në SYRI.net, kreu i PD-së, Lulzim Basha është shprehur se ‘banditët duhet të shkojnë në burg, e jo në qeveri’.
‘Banditët në burg dhe jo në qeveri, një qeveri legjitime. Gjithçka që prekim sot në këtë vend, varfëria ekstreme dhe emigracioni, sot një lajm tjetër 1 në 10 fëmijë ha vetëm një vakt në ditë. Këto janë si pasojë e aleancës me krimin., aleancë e cila u krijuar në 2013. Nuk mund të ketë zgjedhje të lira sa kohë që është Edi Rama. Sepse ai ka bërë pakt me kriminelët. Nuk ka në asnjë vend në botë ku mund të kesh edhe me krimin edhe me qytetarët. Kur ke bërë aleancë me krimin nuk mund të jesh me qytetarët. Ne kemi denoncuar me fakte dhe jo thjeshtë me propagandë politike. Ministri kryesor i Ramës është koka e drogës, vetë Edi Rama është koka e drogës. Kjo nuk do të thotë që Rama merret me skafet, por do të thotë që aleanca e ramës me krimin nuk është rastësore. Ai ju ka dhënë një ministër të brendshëm dhe një Drejtor policie dhe ata lëvizin të lirë. Rama në kuptimin politik është 100 për qind i inkriminuar.
Largimi I prokurorëve është një ushtrim I mirëorganizuar nga të gjithë personat që e dinë se janë të implikuar në afera kriminale për të ndalur drejtësinë. E gjitha kjo që po ndodh ka një synim të mbrojë Edi Ramën. E kemi paralajmëruar dy muaj më parë. Nga e dija unë këtë? Sepse historia botërore nuk ka rrugë tjetër sepse kështu sillen politikanët e korruptuar kur u ngushtohet laku
Sot ka një provë përtej çdo dyshimi të përgjegjësisë politike të Ramës për sundimin bashkë me krimin. Në kuptimin individual nuk kam prova por kam indice shumë të forta. Ai emëroi një prokurore pa veting, e bëri vetingun përrallë. Pra reformë në drejtësi po përfundon njësoj si300 mijë vendet e punës. Pra ai do të ketë në dorë prokurore. Pra ky është pakti me Saimir Tahirin dhe Haki Çakon, bëjmë gjithçka për tu shpëtuar ju, mos flisni kundër meje. Po përpiqet të zerojë çdo dosje. Por unë kam një mesazh, që nuk ka prokuror të shpëtojë Edi Ramë, fati i tij është largimi dhe përballja me drejtësinë’, tha Basha.