Zëvendës kryeministri i Shqipërisë Arben Ahmetaj ka ndarë dy nga pikat kryesore që ka nënvizuar në takimin me ministren Gjermane per Europen dhe Klimen, Anna Luhrmann, e cila ndodhet në Tiranë këtë të martë, lidhur me integrimin evropian të Shqipërisë.
“Nuk lamë pa theksuar fort elementin e sigurisë, në bashkëpiunimin mes BE dhe Ballkanit Perëndimor, si anëtare jo e përhershme e Këshillit të Sigurisë të OKB.
Sa i përket integrimit, ndava rëndësinë në dy elementë të rëndësishëm të hapjes formale të negociatave.
Së pari sinjali për të rinjtë e Shqipërisë dhe Ballkanit. Hapja formale e negociatave jep sinjal shumë të fortë e të rëndësishëm për gjithë brezin e ri për garancinë e sigurinë e të ardhmes së tyre në BE.
E dyta vetë procesi i integrimit, negociatave, është reforma të thella sektoroale në cdo sektor të jetës së vendit.
Këto dy elementë e bëjnë duke përfshirë gjithë arsyet politike shoqërore ekonomike e bëjnë integrimin një proces strategjik për Shqipërinë”.
Sipas Ahmetajt, sot fryma dhe diskursi politik në Ballkanin Perëndimor është përbashkues dhe drejt një qëllimi, BE-së.
“Rinia që përfaqëson të ardhmen duhet të rritet e të edukohet me frymën e dialogut.
Procesi i Berlinit ka mbjellë një farë shumë pozitive në rinitë e Ballkanit Perëndimor, shumë kush e kanë parë që fryma në Ballkanin Perëndimor nuk ngjan fare më frymën separa 10 viteve ku diskursi politok ishte i ashpër jo miqësor dhe armiqësor jo pak, sot diskursi e debati është tek hapja, investimet, incentivat rajonale ekonomike, tregu i përbashkët, rruga drejt BE”.
