Kryeministri Edi Rama është shumë i qartë me Bashkimin Europian. Unioni duhet të mbajë premtimet dhe të hapë negociatat me Shqipërinë dhe Maqedoninë e Veriut.
Këtë deklaratë Rama e ka bërë në një intervistë për gazetën gjermane ‘BILD’/
Kreu i qeverisë së Shqipërisë akuzon krerët e shteteve të Bashkimit Evropian për bllokimin e pranimit të vendit dhe Maqedonisë së Veriut.
“BE ka ‘thyer premtime’ dhe po çon një përçarje në popujt e Ballkanit me ‘cinizëm politik’. Si në historinë “Në pritje të Godosë”, thotë Rama në një artikull ekskluziv për BILD. “Vetëm flitet, por asgjë nuk ndodh!”
Në intervistën e dhënë për gazetën gjermane ‘Bild’ Kryeministrei Rama është shprehur se krerë të vendeve të Bashkimit Evropian kanë bllokuar procesin e negociatave për arsye populizmi.
Rama është shprehur se cinizmi politik i disa krerëve të vendeve të BE është kërcënim për rajonin tonë po aq sa COVID-19.
“Mos ishte mosgatishmëria e qeverive të caktuara për të zgjedhur një kurs që do të ishte jopopullor për disa votues? Një përgjigje e vërtetë për këtë pyetje është jetike pasi cinizmi politik përbën po aq kërcënim për rajonin tonë sa pandemia e COVID-19. Partia ime arriti të kalonte në zgjedhjet e fundit parlamentare në Shqipëri, me gjithë vonesat në procesin e integrimit. Ne jemi legjitimuar nga shumica e popullsisë sonë për të filluar negociatat. Vendi ynë mbetet i ndarë politikisht”, ka thënë Rama.
VIJON…