Kryetari i Grupit Parlamentar të Partisë Socialiste, Taulant Balla i shoqëruar nga kryetari i bashkisë së Elbasanit, Gledjan Llatja ishte sot në Jagodinë, një nga zonat bujqësore më të rëndësishme në Ebasan dhe në gjithë Shqipërinë.
Përmes një postimi në rrjetin social facebook Balla deklaron se banorët e kësaj zone në këtë periudhë të vitit kanë shitur të gjithë prodhimin e lakrës, kryesisht për eksport, në vendet përreth nesh, por edhe në vendet Balltike.
Sipas Ballës, këtë vit kishin mbjellë tre herë më shumë se vjet, rreth 2.5 milionë fidanë, por fatmirësisht situata e vështirë nuk e ka afektuar shitjen.
“Në nivel kombëtar, edhe pse në një situatë të jashtëzakonshme aktiviteti në sektorin bujqësor vijon, madje sipas të dhënave nga Drejtoria e Doganave vetëm gjatë muajit mars 2020 kemi 18% më shumë eksporte të prodhimeve bujqësore krahasur me marsin 2019. Edhe tre muajt e parë të këtij viti janë me rritje krahasur me të njëjtën periudhë të vitit të shkuar.
Disa prej bujqëve më pyetën të shqetësuar për garancinë e shitjes së profhimeve të tyre, duke e lidhur me kohëzgjatjen e pandemisë”, shkruan Balla.
