Biznesmeni nga Saranda, pronari i restorant “Peshkatarit” në Sarandë ka folur për herë të parë duke sqaruar me detaje lidhur me atë që ka ndodhur të dielën në mesnatë në lokalin e tij.
Fillimisht ishte kryeministri Sali Berisha ai i cili denoncoi, referuar qytetarit dixhital, duke shkruar se drejtori i hetimit Tatimor Bardhyl Tafa ka shkuar te “Peshkatari” bashkë me disa shokë të tij, nuk morën kupon tatimor pasi darkuan aty dhe më pas i kanë bërë presion pronarit duke i kërkuar 5 milionë lekë.
Por sipas vetë pronarit, ngjarja nuk lidhet as me drejtorinë e Hetimit Tatimor Jugor dhe as me krimin Ekonomik por me disa policë të cilët kishin shkuar në lokalin e tij për të drekuar dhe më pas ishin rikthyer në darkë pas një debati me djalin e pronarit, për faktin se në faturë ishte shtuar një salcë tepër.
Ngjarja ka agravuar deri në përleshje fizike e madje një nga policët i ka vënë djalit pistoletën në kokë para syve të të ëmës.
Gazetarja: I keni lexuar ato që shkruhen në portale?
Pronari i restorantit: I kam lexuar ato portale, në disa kam komentuar. S’është ashtu e vërteta, ata mbase e përdorin për qëllime të tjera. E vërteta është se këtu kanë qenë tre persona të policisë centrale për pushime a nuk e di për cfarë ishin, kanë debatuar me djalin tim.
Gazetarja : Pse ishin në lokalin tënd?
Pronari i restorantit: Erdhën për të drekuar pastaj erdhën prapë në darkë spër t’i bërë presion djalit e në kupon i ishte shtuar një racion salcë më tepër. Djali e sqaroi, e heqim nga fatura. Ai jo është korrupsion… U cudita sot kur lexova drejtori i hetimit tatimor, a dicka e tillë…. Bardhyl Tafa si e kishte..
Gazetarja: Ka qenë këtu…
Pronari: S’ka qenë këtu, unë as e njoh fare. Kontrollin e fundit nga tatimet e kam patur para 15 ditësh, ka rezultuar shumë mirë. Ky lajmi është i gënjeshtërt, nuk e di pse përdoret, ajo që ndodhi këtu mund t’i ndodhte kujdo.
Gazetarja: Personat e policisë kanë ardhur kanë kërkuar lekë nga dreka në darkë
Pronari: Për policët ne kemi bërë kallëzim në prokurori, s’ka lidhje me këto gjërat e tjera.
Gazetarja: Ata u prezantuan te ju?
Pronari: Ata ishin me shapka me brekë plazhi, unë u kërkova të identifikoheshin..
Gazetarja: Si u prezantuan?
Pronari: U prezantuan shumë vonë sikur ishin krimi ekonomik, mora në telefon grupin e gatshëm. Jemi përleshur këtu se donin ta merrnin djalin me forcë, policia erdhi shumë shpejt pastaj. Policia na erdhu shumë shpejt, këtu ishte plot restoranti.
Ai i nxori pistoletën ia drejtoi djalit në kokë, dhe i ka thënë ta marr jetën para syve të nënës. Ishte shumë agresiv njëri nga ata
Gazetarja: Emër s’more vesh
Pronari: Po i dinë ata në polici.
Gjithsesi i arrestuan. Ju si gazetarë s’mund të flsini me emrin tim, biznesin tim, kam 15 vjet në këtë biznes, ky ishte rasti i parë.
