Një incident ndodhi këtë mesditë në qendrën e numërimit të votave në Kashar, KZAZ nr.30. Sekretari i Komisionit Zonal të Administrimit të Zgjedhjeve u godit nga një vëzhgues i kandidatit të PS, Ornaldo Rakipi.
Shkak për sherrin u bë kontestimi i një vote ku ishin shënuar 2 kandidatë, mes tyre edhe Rakipi. Vëzhguesit e këtij të fundit kërkuan që vota t’i njihej Rakipit. Në konflikt me Sekretarin e KZAZ janë përfshirë 4 persona.
Gazetarja Klodiana Lala raporton se 2 prej tyre u shoqëruan nga policia.
Ndërkohë nga pamjet që sjell Balkanweb duket brenda një automjeti edhe një çantë me para. Makina ndodhet brenda perimetrit të KZAZ-së.
