Sekretari i Përgjithshëm i Partisë së Lirisë, Tedi Blushi ka reaguar për sulmin fizik ndaj kryetarit të PD Sali Berisha në protestën e 6 dhjetorit.
Në një postim në rrjetet sociale, Blushi akuzon kryeministrin Edi Rama si orkestrues i këtij sulmi.
“Vepër direkte e Edi Ramës, i cili mban përgjegjësi personale për dhunën e ushtruar ndaj opozitës”, shkruan Blushi.
“Akti kriminal dhe burracak i sulmit fizik ndaj kryetarit të Partisë Demokratike, Prof.Dr.Sali Berisha është vepër direkte e Edi Ramës, i cili mban përgjegjësi personale për dhunën e ushtruar ndaj opozitës.
Të tillë skenarë ogurzinj të Edi Ramës dhe këtij regjimi kriminal, që i dënojmë me forcë por që nuk trembin askënd, do të marrin gjithmonë përgjigjen e merituar nga shqiptarët patriotë!”, thekson ai në postimin e tij.
