Kryetari i bashkisë së Elbasanit, Armand Subashi në mbledhjen e Komisionit Hetimor deklaroi se impianti do të jetë gati shumë shpejt, ndërsa shtoi se nuk ka një ndryshim të truallit, por saktësim të koordinatave.
Ai shtoi se zona e Mbrostarit ishte zonë e përshtatshme për ndërtimin e impiantit.
Më tej Subashi tha se nuk është në dijeni nëse prona e shpronësuar është lënë në garanci për ndonjë kredi të mundshme, duke shtuar se nuk beson të ketë ndodhur diçka e tillë.
Pjesë nga diskutimi:
Pyetja: Përzgjedhja e tokës është në dëm ekonomik, keni përzgjedhur një sipërfaqe pa studimin e duhur?
Subashi: Ne gjykuam që këtë çështje ta hidhnim në diskutim në mbledhjen e radhës në bashki, aty ku i thamë Këshillit se cili është vendimi që do të merrni lidhur me shkresën që ne na ka ardhur. Ka qenë këshilli i bashkisë që ka autorizuar ngritjen e një grupi pune, sepse këshilli u bind se në rast se kishte problem që rrezikonin vendosi që aty të mos bëhej… Nuk kemi ndryshim te vendit, por saktësim të koordinatave. Banorët kishin një shqetësim dhe padyshim këshilli e mori në konsideratë shqetësimin e qytetarëve.
Çupi: Si ka mundësi që ju jeni mbledhur pasur iu është nënshkruar kontrata. Ju thatë se kishte protesta të banorëve, ju ose nuk keni bërë dëgjesë publike që është detyrim ligjor, ose keni bërë dëgjesën dhe nuk duhet të kishte protesta?
Subashi: Atë që e ka thënë dhe sanksionuar gjykata në vendim, unë nuk thjesht e zbatoj bindem ndaj atij vendimi, dhe kam të njëjtën përgjigje siç e ka thënë gjykata në raport me dëgjesa publike. Gjykata ka administruar dokumente dhe në fund lejen mjedisore e ka gjetur të ligjshme, duke argumentuar se banorët nuk kanë dhënë pëlqimin, por autoriteti kontraktuar ka vendosur të japë pëlqimin.
Çupi: Përse keni pranuar ju që prona e shpronësuar tashmë në një buxhet rreth 400 mln të jetë pjesë e garancisë së koncensionarit ?
Subashi: Vendimi i gjykatës ka analizuar të gjitha aktet. Gjykata ka lënë në fuqi lejen mjedisore, çfarëdo mendimi që të kem unë, jam i detyruar të zbatoj vendimin e gjykatës ,. Është konstatuar që leja e ndërtimit është gjetur në përputhje me ligjin dhe pretendimet janë gjetur të pabazuara… Unë nuk besoj që prona e cila u shpronësua të jetë lënë si garanci për ndonjë kredi të mundshme. Nuk na ka njoftuar njeri për këtë çështje…
Unë për shumë vite në të dyja sistemet dhe të gjitha qeveritë që kanë ardhur dhe ikur pas viteve ’90 kemi thithur pafundësisht erën e plehrave që dekompozoheshin në hyrje të qytetit të Fierit…Por sot mbi bazën e kërkesës tonë, u vendos që qarku i Fierit të ishte qarku i dytë i cili vendosi qeveria që të financonte për të ndërtuar këtë impiant të trajtimit të mbetjeve dhe si rezultat i këtij investimi , sot janë mbyllur në mënyrë përfundimtare fusha plehrash 10-30 vjeçare, dhe shpresoj të mbyllet për punë ditësh edhe Divjaka. Në atë Këshill PS ka pasur vetëm 16 këshilltarë dhe realisht ajo gangrenë që ka ekzistuar atje ka marrë fund, ka filluar edhe mbjellja e pemëve dhe besoj që për kohë.
