Arti, kinematografia e media shqiptare ka humbur në vitin që po lëmë pas jo pak emra të njohur ndër vite që kanë ushqyer breza të tërë me talentin e tyre.
Shkrimtarë, gazetar, aktorë e publicist do të mbahen gjithmonë mend për kontributin e tyre të madh në skenën shqiptare.
Pasditen e sotme, lajmi i trishtë erdhi nga “gjyshja e përrallave, Marika Kallamata e cila u nda nga jeta në moshën 89 vjeçare.
Në 8 shkurt, skenaristi dhe shkrimtari i madh Kiço Blushi është ndarë nga jeta para kohe në moshën 75-vjeçare.
Blushi ndërroi jetë nga një sëmundje e pashërueshme.
Skenari i tij i parë ishte ai i filmit “Çifti i lumtur” në 1975 si bashkautor. Me skenarin e filmit “Beni ecën vetë” në 1975 u vlerësua me çmimin e Republikës së klasit të tretë.
Blushi ka shkuar 14 skenarë filmash artistik dhe dy skenarë dokumentarësh e filma vizatimorë.
Në maj të këtij viti, padoristi i njohur i Vlorës Muhamet Lika u shua në moshën 65 vjeçare.
Shkak i vdekjes së tij ka qenë një atak kardiak. Liko vuante prej kohësh nga sëmundja e zemrës, ndërsa ishte për kurim në Itali. Pas kontrollit shëndetësor ai ka pësuar një atak kardiak që i mori jetën.
Në 14 gusht, u nda nga jeta regjizor, skenaristi dhe producenti i njohur Gjergj Xhuvani.
Kineasti ka qenë i shtruar në një spital në Romë pasi një arresti kardiak që ka pësuar teksa po realizonte e montazhin e filmit të tij të fundit, “Liqeni im”.
Fatos Baxhaku, gazetari dhe publicisti i njohur ndërroi jetë në 16 gusht në Tiranë.
Baxhaku i njohur për stilin e tij të veçantë në shkrimin e reportazheve, është ndarë nga jeta në moshë shumë të re, 55-vjeç. Prej kohës gazetari vuante nga një sëmundje e rëndë dhe ishte tërhequr nga daljet televizive, por dhe nga gazetaria.
Aktorja Shpresa Bërtëllima u nda nga jeta në moshën 60-vjeçare në 27 tetor. Edhe pse pati një karrierë të shkurtër, aktorja ka spikatur me rolet e saj duke “rezervuar” një vend në memorien e publikut.
Për të gjithë shqiptarët ajo do të mbahet mend për “signorina Gaitani” në filmin “Vajzat me kordele të kuqe”.
Për shkak të portretit të saj, Shpresa është quajtur “Brigitte Bardot” e vogël.
/ALPEnews.al
