Ish-drejtori i Policisë së Vlorës Jaeld Çela është vetëdorëzuar pasditen e sotme në Drejtorinë e Policisë së Tiranës, pas 3 vitesh në arrati.
Ndërkohë, në pamjet e mësipërme të siguruara nga newsbomb.al duket momenti kur Jaeld Çela vetëdorëzohet në Drejtorinë e kryeqytetit, i shoqëruar nga avokati i tij Petrit Ismaili. Ndërkohë, përmes një deklarate për mediat të bërë publike nga avokati i tij, Çela ka hedhur akuza ndaj prokurorëve të çështjes.
Çela thotë se Prokurorët e kanë akuzuar për ta bërë “bashkëpunëtor” të ish-ministrit Saimit Tahiri, pasi dosja e tij është në të njëjtën çëshjtje me atë të ish-ministrit socialist.
“Prokurorët më donin “bashkëpunëtor” të ish-Ministrit Tahiri, ndërkohë që isha vartës dhe bashkëpunëtor në shërbim të Ligjit. Më kanë akuzuar si bashkëpunëtor të disa individëve që jo vetëm nuk i njoh dhe as parë ndonjëherë por që janë ndjekur penalisht dhe arrestuar kur unë isha nën drejtimin e Policisë së Qarkut Vlorë”, thuhet në deklaratën e Jaeld Çelës, ish-drejtori i Policisë së Vlorës.