Një 26 vjeçar i shpallur në kërkim nga Policia për “Plagosje të rëndë me dashje” është arrestuar. Në pranga ka rënë nga Blutë e Durrësit dhe një 23 vjeçare e cila duke drejtuiar makinën në gjendje të detur ka përplasur një mejt tjetër.
Sipas njoftimit, specialistët e krimeve kanë ndaluar shtetasin B. X., 26 vjeç, banues në fshatin Nuaj, Krujë, pasi Gjykata e Shkallës së Parë Krujë i ka caktuar masën e sigurisë “Arrest në burg”, për veprat penale “Plagosja e rëndë me dashje” dhe “Mbajtja pa leje e armëve të ftohta”.
Ky shtetas, më datë 21.05.2020, në Fushë Krujë, ka plagosur me mjet prerës (thikë), për motive të dobëta, shtetasit S. T. dhe E. Gj.
Gjithashtu, po në Durrës nga efektivët e Policisë Rrugore, është arrestuar shtetësja Xh. A., 23 vjeçe, banuese në Durrës, pasi në lagjen nr. 3, Durrës, duke drejtuar në gjendje të dehur mjetin tip “Fiat”, është përplasur me një tjetër mjet, duke shkaktuar dëme materiale.
Materialet i kaluan Prokurorisë së Rrethit Gjyqësor Krujë dhe Prokurorisë së Rrethit Gjyqësor Durrës, për veprime të mëtejshme.