Një agjent i FBI-së në Shtetet e Bashkuara ka mbetur i vrarë me armë zjarri pasi është qëlluar nga një person i dyshuar për pornografi me fëmijë.
Miami Herald Raporton se një grup agjentësh të FBI-së shkuan në banesën e të dyshuarit për të kryer një kontroll rutinë dhe sekuestruar prova materiale si kompjuteri, pasi personi dyshohej se posedonte pornografi fëmijësh.
Por i dyshuari hapi menjëherë zjarr ndaj ekipit të FBI-së duke vrarë njërin prej tyre dhe plagosur disa të tjerë, njëri prej të plagosurve dyshohet se mund të ketë ndërruar jetë.
Forca të shumta policie mbërritën menjëherë në vendin e ngjarjes, ndërsa i dyshuari u barikadua për disa orë në shtëpi, dhe më pas raportohet se kreu vetëvrasje.
