Bashkia e Patosit ka marrë përsipër mbulimin e shpenzimeve të ceremonisë mortore për katër anëtarët e familjes Gushi që u shuan sot në aksidentin tragjik në Vlorë.
Në reagim zyrtar Bashkia e Patosit u shpreh ngushëllimet më të sinqerta të afërmve të familjes Gushi.
“I trishtë dhe i dhimbshëm lajmi për ndarjen tragjike nga jeta të 4 bashkëqytetarëve tanë. Me miqtë e familjarët e tyre sot është pikëlluar edhe i gjithë qyteti.
Bashkia Patos shpreh ngushëllimet më të sinqerta të afërmve të familjes Gushi që humbën jetën tragjikisht në një aksident në aksin Fier-Vlorë.
Përmes një mbledhjeje urgjente të Këshillit Bashkiak, Bashkia Patos vendosi të marrë përsipër mbulimin e shpenzimeve të ceremonisë mortore për këtë familje. U prehshin në paqe. I qoftë dheu i lehtë!”, thuhet në njoftim.
