Kryetari i Partisë Demokratike, Lulzim Basha, ishte i pranishëm sot në një prej familjeve të prekura nga tërmeti.
“Në familjen Parruku në fshatin Kameras, e cila prej 10 muajsh jeton në çadër pasi banesa është dëmtuar plotësisht nga tërmeti dhe shteti nuk ka marrë asnjë për t’i strehuar,” shkruan Basha.
Por gjatë vizitës së tij, Basha u has me kritikat e një prej familjarëve.
“Je me vonesë për shumë gjëra, je me shumë vonesë, duhet të jesh më afër me popullin se nuk je,” tha ai.
“E pranoj megjithatë herën e fundit kam qenë në mars. Por pas pandemisë u bë gjëra më e vështirë, nuk mund të vinim,” tha Basha.
“Qeveria të bëjë transparencë çdo gjë, se po vjen dimri e jemi jashtë,” tha qytetari.
“Ja ka dhënë 5 oligarkëve kështu që nga kjo qeveri mos prit, kurse për vërejtjen që më bëre kemi qenë 36 herë pranë jush dhe prapë do jemi, dhe kur të vi unë në pushtet ta dini që do ju gjej zgjidhje juve jo oligarkëve,” u shpreh Basha.