Lideri i opozitës Lulzim Basha ka dalë para mediave mbrëmjen e sotme ku ka bërë të ditur detaje nga biseda me Presidentin e Republikës Ilir Meta. Kryedemokrati e kishte lajmëruar daljen e tij në orën 17:00 por doli rreth orës 17:30, arsyet e vonesës nuk dihen. AJo që u vu re në deklaratën e Bashës është se ai nuk thotë asnjë fjalë të vetme rreth deklaratës së SHBA-së dhe BE-së të cilat shprehen të prera për datën e zgjedhjeve të 30 qershorit.
Deklarata e sotme e Bashës nuk kishte asgjë të re përveç dëshpërimit që shihej në fjalimin e tij. ndër të tjerash Basha u shpreh: “Sot presidenti Meta ka dekretuar një datë të re për zgjedhjet lokale. Dua të ndaj me ju atë që i bëra të ditur presidentit Meta në takimin e sotëm. PD dhe opozita e bashkuar nuk merr pjesë në asnjë proces zgjedhjesh dhe në asnjë diskutim për zgjedhje. Nuk merr pjesë në asnjë diskutim për zgjidhje politike apo për reforma të çfarëdo formule pa dalë para drejtësisë të gjithë ata që janë pëfshirë në vjedhjen e zgjedhjeve në bashkëpunim me krimin. Fundi i pandëshkueshmërisë së politikanëve të lidhur me krimin është kushti i panegociueshëm për t’iu rikthyer proceseve politike”, deklaroi Kreu i PD.
