Damian Gjiknuri i është Opozitës së Bashkuar për kërkesën e saj për t’u mbledhur nesër ose pasnesër për 6 pikat e saj.
Gjiknuri thotë se për pikat që do të mblidhet PD- LSI është rënë dakord po në Këshillin Politik dhe mjafton një e-mail konfirmues për t’i depozituar ato në Kuvend.
Ai shton se kjo është një alibi që nuk qëndron nga Opozita e Bashkuar për t’u mbledhur në Këshillin Politik dhe për të dakordësuar diçka që është miratuar më parë. Por për më tepër Gjiknuri thekson se temë tashmë e Këshillit Politik janë vetëm ndryshimet kushtetuese teksa më pas do të jetë ligji i ri zgjedhor që reflekton rekomandimet e OSBE.
‘’Janë disa pika si ligjet për sinjalizuesin, procedura penale, dhe një ligj tjetër. Drafti është dakordësuar. Mjafton një konfirmim me email dhe ia çoj unë kërkesën për të depozituar për këto projektligjet. Pra pretendimi për të miratuar këtu disa pika që ne i kemi miratuar nuk qëndron. Janë ndryshimet kushtetuese si dhe ligji i ri zgjedhor që reflekton të gjitha rekomandimet e OSBE/ ODIHR.’’- tha Gjiknuri.
