Gazetarja Desada Metaj dhe anëtarja e AMA-s i është përgjigjur akuzave të Sali Berishës se AMA është kompromisi më i shëmtuar mes Edi Ramës dhe Lulzim Bashës.
Ai shtoi se që të dy kanë vendosur si kurrë në historinë e atij institucioni, zëdhënëset e tyre, duke marrë nën kontroll të plotë AMA-n.
Metaj ka ironizuar deklaratën e Berishës, duke u shprehur se nuk ka patur fat të jetë zëdhënsja e Berishës pasi ai do e kishte regulluar në televizionet e Ramës dhe Veliajt me rrogë të majme.
“Dëgjova që më kishte përmend sot Berisha në parlament si produkt i marrveshjes Rama – Basha. Unë vërtet se kam pas fatin e zëdhënëseve të doktorit që ai i ka sistemuar në televizionet e Ramës dhe Veliajt me rroga të majme.
Thjesht vazhdoj të shkruaj si njeri i lirë e ca orë para se të fliste Berisha kam shkruar se ç’mendoj për të, për Ramen, Veliajn… madje dhe për Bashën”, shkroi Metaj.
Kujtojmë se Berisha u shpreh se: “AMA është kompromisi më i shëmtuar Rama-Basha. Që të dy kanë vendosur si kurrë në historinë e atij institucioni, zëdhënëset e tyre. E çfarë mund të presësh ti. Të dy janë një! Si ajo zonja Armela, si ajo tjetra që ishte zëdhënësja reale e Bashës, e Bravës.
Faktikisht Edi Rama ka sot kontroll të plotë mbi AMA-n. E para, duhet të ndryshojë ligji dhe të hiqen zëdhënëset nga AMA. Nëse nuk duam të tallemi me Europën”.
