I pakënaqur ka dalë deputeti demokrat Myslim Murrizi pas takimit me kryeministrin Edi Rama për çështjen e ndryshimit të sistemit dhe hapjen e listave.
Myslim Murrizi premtoi edhe njëherë se opozita parlamentare nuk do të votojë asnjë pazar mes dy partive të mëdha duke kërkuar nga ana tjetër dhe administratë zgjedhore jopolitike.
“Kryeministri vazhdon ta ketë marrëveshje me ata që gatuan këtë sistem zgjedhor që iu mohuan të drejtën e votës qytetarë. Nuk votojmë asnjë pazar që kërkohet të shitet si marrëveshje, në kurriz të sovranitetit të votës. Ata kanë hall pushteti. Shqiptarët kërkojnë të zgjedhin me votën të tyre përfaqësuesit që meritojnë.
Nuk votojmë asnjë lloj buzëkuqi apo arnimi të kodit zgjedhor nëse nuk preket ligji 68 i Kushtetutës, nëse nuk hapen listat për kandidatët për deputetët dhe nëse nuk shkojmë zbatimit pikë për pikë të rekomandimeve të OSBE-ODIHR për administratë zgjedhore dhe jo militantë partiakë në kutitë e votimit.