Politikania Rudina Hajdari ka rënë së fundmi pre e sulmeve kibernetike në internet. Profili i saj zyrtar në rrjetin social Facebook ka rënë në dorë të personave të tjerë të cilët i kanë vendosur dhe një emër të çuditshëm.
55 mijë ndjekësit e politikanes që pas zgjedhjeve të 25 prillit duket se është rikthyer përsëri në Amerikë, janë përballur sot me një emër të çuditshëm në llogarinë personale të Hajdarit. Emri i saj është zëvendësuar me një frazë në gjuhën vietnameze.
“Ăn Chơi Bắc Ninh”, është emri që është vendosur në llogarinë e Rudina Hajdarit, që sipas përkthimit të google në shqip është “Hani dhe luani në Bac Ninh”.
